Volunteer Rian

SAC nih Myanmar ram uknak an chuh in Myanmar ramchung ah Media rianttuan a har lawng si loin rianttuantu (Journalist) pawl ca ah himnak zong a um ti lo. Cucaah, ramchung Media rainttuantu tampi nih zung kan khar hna i hmundang in thlithup rian kan ttuan cio hna.

Hi lio caan ah abiapi tukmi cu ramchung ah a ummi hna teltumnak hi a si. Atulio kan pawngkam ah a cangmi nuhrin covo buarnak, tlaihkhihnak le thahnawnnak tibantuk pawl hi kan si khawh tawk cio in mizapi theihter kan i zuam a herh. Media i a rian cu cucu a si.

Media rianttuantu pawl hmundang ah zaam le himnak ca ah rian ngol chung a si bantuk in kannih The Chin Journal zong cu thil sining cun kan luat kho ve lo. March 2021 thawk in Hakha kan zung kan khar i mah inn/hmundang in rian kan ttuan hna. Journalist pawl ca ah zalong tein umkal khawh a si ti lo tik ah thawngpang laknak lei ah kan chambau ngaingai cang.

Asinain, The Chin Journal nih cun kan si khawh tawk in Laitlang thawngpang dikhmaan zamh khawh kan i zuam zungzal i, nihin tiang harnak tampi lak ah kan pehzulh thluahmah rih.

Thildik thilhmaan mizapi sin theihter le kan ram Democracy a hmuh tthan nakhnga aupi zungzal hi mizapi kan rian a si. Cucaah, thawngzamh/thawnglak lei kan rianttuannak ah volunteer/pumpek in teltum na duh a si ahcun a tanglei EMAIL ah ca kan kuat.

The Chin Journal ah volunteer na luh tik ah na caan na pekchanh lawng si loin Journalism lei thiamnak na hmuh khawh lai. Volunteer na ttuan caan chung ah a tanglei thiamnak pawl hi na cawn pah hna lai:

Video Journalism: Zeitindah thawngpang caah Video kan thlak lai. Video thlak ningcang.

Photo Journalism: Zeitindah hmanthlak ningcang tein kan thlak lai.

News Presenter: Zeitindah TV thawngpang kan chim lai.

Media Ethic: Thawnglatu nih zulh awk le hrial awk. Thawngpang lak ningcang.

A tlawm bik thla 2 chung The Chin Journal ah Volunteer ttuan ding in kan in sawm. Volunteer na ttuan chung ah lahkhah a um lai lo. Asinain, Phone/Internet Bill rawnpiak na si lai. Lengchuah i thawngpang va kawl len si loin mah inn te ah um buin Internet le Phone in a kenkip ah pehtlaihnak tuah buin thawngpang dikhmaan kherhlai/kawl a si lai.

EMIAL: tcj@chinjournal.org

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org