2022 chung Hakha peng ah misawhsawh 9 an nunnak liam

2022 chung ah Hakha peng chung lawng ah SAC ralhrang bomb/meithal kahnak le thahnawnnak ruang ah sualnak ngei lo minung 9 an nunnak a liam. Hihi The Chin Journal nih kum hramhtawk in kan khawhmi kan theih tawk a si.

March 4 ah khan Chuncung khua ah SAC ralhrang pawl an phan i Pu Rung Hu (49) cu meithal in voi 5 an kah hnu ah an inn pawng tiluhor ah a ruak an hlonh.

July 25 ah khan Hniarlawn khua ah Mucu siangngakchia pawl chanh awkah a kalmi Salai Mang Lian Sang (22) cu SAC ralhrang nih meithal in an kah caah a nunnak a liam.

August 10 ah Hakha SAC ralhrang nih an kahmi hriamngan kuan nih Hniarlawn inn pakaht a tlak i kum 55 a simi Pi Chia Hnem a nunnak a liam.

August 12 ah Hakha in Gangaw lei ah a kalmi Pajero motor cu Hakha in meng 4 a hlatnak hmun ah meithal in kah a ton caah fa pakhat ngei Pi Siang Hnem Cer (22) a nunnak a liam.

October 3 ah Lungcawi khua in Kalay-Gangaw ramri ah ar cawk ah a kalmi Pu Zaw Ni (47) le Pu Bawi Kham (64) cu Pyosawhti nih an motorcycle le tangka ting 7 an chuh hna hnu ah an thah hna.

October 19 ah Buanluang khua ah SAC ralhrang nih Drone in ngakchia pawl bomb an thlak hnawh hna i, kum 6 hrawng a simi hna James Siang Za Uk le Henry Bawi Za Lian an nunnak a liam.

November 15 zaan ah Cawbuk sang, Moe Hein dinti sehzung ah SAC ralhrang bomb a tla i sehzung a hngaktu kum 14 ngakchia pa pakhat a nunnak a liam.

Kan hrelh sualmi an um ahcun thawng kan thanh than te u tiah kan in nawl hna.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!