Chin nungak 9 SAC ralhrang nih thong kum 12 cio thlak

SAC ralhrang nih PDF-Kalay sakhaan an rak luh hnawh lio ah an rak tlaihmi hna Kalay peng khuasa Lai nungak 9 atu kum thong kum 12 cio thlak ding in dantatnak an pek hna, tiah thawngpang kan theih.

Kalaymyo thonginn chung biaceih zung nih atu kum October thla chung ah thongthlak ding in dantatnak a pek hna hi a si.

Rampi buaibaiter ding in hrihawhnak pohma 505 (a) le ralhrang dohkalhnak he aa pehtlaimi pohma nih tazacuai an si hnu ah atu bantuk in thong dan 12 an pek hna, tiah chungkhar naihniam nih an chim.

Hi Chin nungak 9 hi November 16, 2021 ah SAC ralhrang nih PDF-Kalay sakhaan pakhat an rak luh hnawh lio ah an tlaihmi hna an si.

Zam Zo Zaam, Mang Lun Dim, Ngiang Deih Cing, Malsawm Dawngi, Lal Than Luaii, Lal Lun Sani, Lal Muan Kimi, Van Lal Runi le Lal PIan Feli hna an si i, kum 20 in kum 28 karlak lawngte an si hna.

Hi Chin nungak pakua nih SAC nih Myanmar ram uknak an chuh hnu ah PDF-Kalay ah sii-ai lei thlopbulnak rian ṭuan ding in a pum aa pemi an si hna.

Kum 12 cio thongthlak a tongmi nungak pakua.

An ngandamnak cu a ṭha ko nain thongin chung ah vung luh i don an har ngai, tiah chungkhar naihniam pakhat nih a chim. Thonginn lei ah motorcycle in kal zong ah fek ṭhup in check zungzal a si tawn i, atu hnu lebang cu kal khawh zong a si ti lo, tiah a cim chap.

Hi Chin nungak pakua an rak tlaih hna lio ah hin a dang PDF-Kalay ralkap minung pathum zong an nunnak a rak liam.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!