US Inn Raangpi ah President Donald Trump a rak tongtu Kachin Baptist Convention (KBC) Chairman ṭhing Rev. Dr. Hkalam Samson cu nihin zinglei ah SAC nih an tliah, tiah theih a si.
Nihin December 5, zinglei sml. 9:00 hrawng ah Mandalay Airport ah SAC ralkap pawl nih biahal awk kan in ngeih an ti i, an kalpi.
Rev. Dr. Hkalam Samson le a ṭuanṭi hawi minung 2 cu Bangkok ah rianherh kal ding in timhtuahnak an ngei i, nizan ah khan Kachin ramkulh, Myitkyina in an rak i thawh.
“Khualtlawngṭi a hawile pahnih cu an tliah hna lo. Amah lawng hi biahal awk kan in ngeih an ti i vanlawng cung kai lai ah an tlaih,” tiah KBC he naihniam mi nung pakhat nih a chim.
Rev. Dr. Hkalam Samson hi KBC ah Secretary kum 8 a rak ṭuan i, Chiarman zong kum 4 a ṭuanmi balmi Kachin kan unau hna lak ah bochanmi biaknak lei upa a si.
Aluancia July 2019 zong ah khan US President Inn Raangpi ah President Donald Trump sin ah biachimnak a rak ngei.
Cu lio ah cun Myanmar ramchung Khrihfami hna nih kan tonmi namnehnak le Federal Democracy kong pawl chimrelnak a rak ngei.
US President sin bia a chimmi ruang ah SAC Northern Command ah rian ṭuanmi Lieutenant Colonel Tann Hteik nih August 8 ah Mitkyina biaceih zung ah taza a rak cuai. Asinain, cu tazacuainak cu September thla chung ah an hlihphuahpiak ṭhan.
