Nihin November 26 ah Rakhine hriamtlai AA le SAC ralhrang karlak ah kahdaih hnatlaknak a tuah, tiah Rakhine thawngzamhnak pawl nih an langhter.
Cu kong he pehtlai cun SAC chimnak nawlngei Zaw Min Tun nih BBC sin zong ah nihin fehternak a ngeih, tiah BBC nih a ttial ve.
Aluancia nicaan chung ah AA le SAC karlak biaruahnak ngeih hnu ah atu bantuk in kahdaihnak kan tuah hi a si, tiah Zaw Min Tun nih a chim.
AA chimnak nawlngei U Khaing Thu Kha zong nih, “Nihin thawk in suimilam 24 chung ah AA le SAC karlak i kahnak vialte kan ngol lai. Mipi ca ah a ttha bik ding ruah buin atu bantuk hin kan tuahmi a si,” tiah Rakhine thawngzamhnak Narinjara ah a chim.
Atu bantuk in AA nih SAC he kahdaih hnatlaknak a tuah tik ah atutan Myanmar ram Pau Dohthlennak ah AA cu i tel ti lo dawh a si cang, tiah an zumh.
