Nizaan August 30 ah Myanmar-Bangladesh ramri ah a ummi SAC ralhrang sakhaan pakhat cu Rakhine hriamtlai AA nih an lak i ralhrang minung 19 an thi, tiah theih a si.
Naite ah Ramkhine ramkulh, Myuh-Oo ah SAC ralhrang nih bomb in an kah i khuami a thimi cheukhat an rak um. Cucaah AA nih lehrulchamnak ca ah hi sakhaan hi an kahmi a si.
August 30 zinglei ah AA nih SAC ralhrang sakhaan cu an vung doh i zinglei sml. 9:00 ah an sakhan ning in an lak khawh.
Ralhraim tampi an lak pin ah SAC ralhrang 19 an thi i, a dang pakhat hliamhma fak ngaiin a pu.
Hi sakhaan lak kahdohnak ah hin AA hriamtlai lei in hliamhma a pumi le a thimi cheukhat zong an um ve nain a zat an langhter lo.
