Argentina nih Croatia lehrulcham aa harh lai, a sung kho

Aluancia 2018 World Cup ah Croatia nih zohdawh lo ngaiin a rak teimi Aargentina nih atutan World Cup Semifinals ah hin Croatia hi lehrul a cham kho hnga maw? I harh dawh ngaingai a si.

Russia ram ah an rak tuahmi 2018 World Cup ah Croatia le Argentina cu Group Stage ah an rak i tong. Cu lio ah cun Messi zong a rak chuih nain 3-0 in Croatia nih an rak tei hna.

Croatia nih Messi cawl kho lo lak in an rak tlaih. Cu puai ah cun Messi nih bawlung voi 49 lawng a ting. Cucu Messi bawlung a chuihmi puai vialte lak ah bawlung a tin a tlawm bik a si.

Cu lawng si loin Messi nih voi 24 lawnglawng pass tuah aa tim kho. Goal ah voi khat lawng a sut khawh i, an nganh fawn. A tlangpi in chim ahcun Croatia nih Messi hi cawl kho loin an rak tlaih khawh i, 3-0 tiang in an rak tei hna.

Asinain, 2018 World Cup ah Argentina cu Round 16 tiang a phan kho. Round 16 ah France nih 4-3 in a tei caah a rak tla.

Atu zaan an chuih dingmi Semifinals zong ah hin Croatia nih Messi hi cawl kho lo in tlaih an i zuam lai, tiah bawlung lei a ngaithlaitu hna nih an ruahdamh. Cucaah, tu zaan puai ah hin Argentina nih Croatia lehrul an cham khawh hna lo pin ah a sungh zong an sung kho, tiah a ruat chungtu an um ve.

Atu zaan hi 2022 World Cup ah Semifinals a paui khatnak an chuih a si lai bang in FIFA nih bawlung thar introduce tuah a timh.

Cu bawlung cu Arabic holh in “Al Hilm” tiah an auh i, Laiholh in Chunmang, Mirang in “The Dream” tiah sullam a ngei. Thase rawn muici keng in an serchuahmi a si. A taangmi bawlung puai 4 ah mah bawlung hi an hman lai, tiah BBC nih a ṭial.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!