Asia ram vialte World Cup Round 16 in an tla dih hna

World Cup Round 16, sungh-chuah puai ah a kai khomi Asia ram 3 cu Quarterfinals ah kai kho loin a hun tla dih cang hna.

Atutan Asia Continent (Asia Vawleiṭhen) chung in Round 16 ah a kai khomi hna cu Australia, Japan le South Korea hi an si hna.

December 4 ah Australia le Argentina cu Quarterfinal kai kho ding in an chuih i, Argentina nih 2-1 in an tei hna caah Australia a tla.

Japan cu Croatia he December 5 ah chuih i Croatia nih Penalty in an tei hna caah a tla ve. South Korea zong Brazil nih 4-1 in a tei caah Quarterfinals kai kho loin a tla ve.

Japan hi Quarterfinals tiang kai kho ding dirhmun a si nain Penalty chuih lei ah an chambau deuh ngaingai. Penalty an chuihmi lung 3 an kawl lo. Cucaah, Croatia nih Pentalty goal he fonh in 4-2 in an tei hna.

Round 16 a donghnak bik puai a simi Morocco vs Spain le Portugal vs Switzerland cu tu zaan ah an chuih hna lai. Quarterfinals ah a kai cang i, Semifinals ah lan kho ding in aa tongmi hna cu: Croatia vs Brazil, Argentina vs Netherland, England vs France hi an si.

Quarterfinals puai 4 cu December 9 in 11 tiang an chuih lai. Semifinals ah a kai khomi Team 4 cu December 14 le 15 ah an chuih ve lai. Cun, pathumnak i cuhnak hi December 17 ah an chuih lai i, Final cu December 18 ah chuih a si telai.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!