Nihin July 5 ah Thantlang peng ralram hmun khat ah bomb puah sualnak in CDF-Thantlang ralkap Salai Bawi Za Ceu a nunnak a liam, tiah thawng kan theih.
Bomb an tonghthammi nih minung pahnih a puah hnawh hna i Salai Bawi Za Ceu hi a hmun ah a nunnak a liam. A dang pakhat hliamhma a pu.
Hliamhma a pumi hi CDF-Thantlang Commander-in-Chief a ttuan liomi Salai Cung Hlei Thawng a si, tiah a theitu hna nih The Chin Journal ah an chim.
SAC ralhrang doh ding in pum a pemi Laimi mino tam nawn bomb puah sual ruang ah an nunnak a liam cang.
