Cawbuk Check Piont Kahdohnak SAC Ralhrang 5 Thi

Nihin October 21, zinglei sml. 8:00 hrawng ah CDF-Hakha Battalion-2 (Senthang) nih Cawbuk Check Point ah SAC ralhrang pawl an vung kah hna i, ralhrang 5 an thi, tiah Senthang Council nih atu zaanlei ah thawngpang an chuah.

October 19 ah SAC ralhrang nih Drone in Buanlung khua KG siangngak pahnih an thihter hna ruang ah lehrul chamnak ca ah kan kahmi hna a si, tiah an langhter chap.

October 19, zaanlei sml. 3:00 hrawng Buanlung khuachung ah bomb a tla i, sianginn in a rak ttinmi taangcheu ngakchia James Siang Za Uk le Henry Bawi Za Lian an nunnak a liam.

Anmah he sianginn in a ttin ttimi nu ngakchia Nancy Ca Len Par zong a kenglei ah hliam fak ngai a pu i, Surkhua sizung ah an thlopbul cuahmah lio a si.

Nihin Cawbuk Check Point kahdohnak ah a thimi SAC ralhrang pawl cu ralkap motor in an ruak an thiar hna, tiah cathanh ah an ttial.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org