CDF-Hakha Sniper nih SAC Machinegun Kaptu a Kahthah

August 3 ah a cangmi Hakha-Thantlang karlak Timit horkuang kahdohnak ah CDF-Hakha sniper nih SAC ralhrang meithal-lian (Machinegun) kaptu pa a kahthah khawh, tiah Hakha Campaign for Justice nih thawngthanhnak an tuah.

“August 3 chunnitlak i kahdohnak ah kan hmuithiam ‘CDF-Hakha sniper’ nih ralhrang (3) a thuat hna. Ralhrang lei Machinegun a tlaitu zong hrilh a si caah an con ngaingai. Rungtlang lei in hriam nganmi (Miakpi) in bawmhnak an pek hna. Cu ni ah cun ralhrang (4) an thi,” tiah an langhter.

Nizaan August 4 zong ah Matupi lei kalnak Cawbuk Checkpoint ah kahdohnak a chuak i SAC ralhrang pakhat a thi. A dang pathum hrawng an hliamh hna.

August 4 thotho ah Timit horkuang hrawng ah riahbuk ser in hmunkhuar a timmi SAC ralhrang pawl cu miphun ralkap bu fonh in an vung kal hnawh hna i kahdohnak a chuak.

Hi kahdohnak ah hin SAC ralhrang lei in minung 8 an thi i miphun ralkap lei in hliampu le mithi an um lo, tiah Hakha Campaign for Justice nih a langhter.

Kan miphun ralkap le SAC ralhrang karlak kahdohnak ah kap hnih hliam a pumi le a nunnak a liammi kong he pehtlai in The Chin Journal nih cun pumpak in fiang tein kan fehter kho lo.

Nihin August 5 zinglei zong in Timit horkuang lei ah kahdohnak pehzul in a um. Cun, zinglei sml. 9:00 hrawng ah Rungtlang kiangkap hrawng ah kahdohnak voi khat a chuak tthan, tiah thawngpang kan theih.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!