CDF-KKG Gate Pakhat SAC Ralhrang nih an Lak

Gangaw peng chung ah a ummi CDF-KKG Gate pakhat cu SAC ralhrang nih July 1 an lak, tiah CDF-KKG nih thawngpang an chuah.

Sunghsi khua le Aungmin khua karlak ah a ummi CDF-KKG ralkap bu no. 6 nih an hngahmi gate cu SAC ralhrang le Pyosawhti minung 40 hrawng nih an kal hnawh i, kap hnih karlak minute 40 chung hrawng kahdohnak a chuak.

“Kanmah nakin thazaang tam deuh piin a rak kan tuk caah Sungshi le Aungmin khua karlak i kan gate cu kan chuahtak,” tiah CDF-KKG nih cathanh ah an langhter.

CDF-KKG ralkap pawl nih an gate an chuahtak hnu ah SAC ralhrang pawl cu Drone nih bomb an thlak hnawh ve hna. A thimi an um le um lo theih a si lo.

Gate ah CDF-KKG nih an kaltakmi motorcycle pakhat cu SAC ralhrang nih mei in an khangh, tiah an langhter.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org