Nihin December 24, zinglei sml. 10:30 hrawng ah Kalaymyo, Tahan lamton (Traffic Light) zawn ah a ummi SAC ralhrang pawl cu CDF-KKG nih an luh hnawh hna hnu ah SAC ralhrang nih Tahan khuami sawhsawh pakhat thi lak in an kah, tiah thawngpang kan theih.
CDF-KKG ralkap pawl nih Tahan Traffic Light ah a ummi SAC ralhrang pawl cu kah ding in an kal hnawh hna lio ah SAC ralhrang pawl nih an hmuh hna i an zaam.
SAC ralhrang nih an meithal pakhat le kuan pawl zong an zaamtak caah CDF-KKG nih an lakpiak hna.
Cu hnu tlawmpal ah SAC ralhrang thazaang 30 hrawng in an rak ra ṭhan i, meithal kahthlorh in an kah caah motorcycle aa citmi pa pakhat an khen i lamkam ah a cycle he an ril.
“SAC ralhrang nih meithal kah thlorh in an kah ruang ah mipi hliamhma a pumi le a thimi pakhat zong an um,” tiah CDF-KKG nih an langhter.
