Matupi peng, Lailenpi in Htaybwai khua lei ah a kalmi SAC ralhrang pawl nih CDF-Matupi ralkap pahnih an tlaih hna i pakhat cu an hrem hnu ah an thah, tiah thawng kan theih.
“A ruak kan hmuh cang ko nain pa pawngkam ah bomb an tarh caah kan la kho rih lo,” tiah minung pakhat nih a chim.
A dang pakhat zong hi SAC ralhrang nih an thah khawh men tiah an zumh nain a ruak belte an hmu rih lo.
“I kahdohnak ah an tlaihmi hna cu a si lo. CDF nih an tarhmi landmine nih vok a puah hnawh i voksa lak ding in an vung kalnak ah SAC ralhrang nih an rak tlaih hna,” tiah minung pakhat nih a chim.
