Nihin December 13, chunhnu ah Mindat peng chung ah CDF-Mindat le SAC ralhrang karlak ah kahdohnak a chuak i, SAC ralhrang lei in minung 3 an thi, tiah CDF-Mindat nih thawngpang an chuah.
Chunhnu sml. 2:30 hrawng ah Mindat peng, meng 5 le furlong 5 zawn ah SAC ralhrang thazaang 20 hrawng cu CDF-Mindat ralkap pawl nih naite in an kah hna i, SAC ralhrang minung 3 an thih pin ah a dang 2 hliamhma fak an pu tiah an langhter.
Atu 2022 kumdongh lei hnu in Mindat peng chung ah kahdohnak fak ngaingai a chuak ti lo. November 11 belte khan CDF-Mindat sniper pawl nih Palungtwi khuate ah a ummi SAC ralhrang 2 thi lak in an rak kah bal hna.
Cu hnu cun Mindat ah a ummi SAC ralhrang nih November 11 le 28 ah khuate lei ah hriamngan in voi tam ngai an rak kah.
Atutan hi tu kum December thla chung ah Mindat peng chung ah a voi khatnak bik i kahdohnak a chuah ṭhan a si.
