CDF-Zophei sin ah SAC ralkap/palik 3 meithal he an zaam

Hakha Rungtlang ah hmun a khuarmi SAC ralhrang bu no. 266 in ralkap pathum le Hakha palik sakhaan in palik pakhat cu CDF-Zophei sin ah an hriam he an i fonh, tiah Zophei Information Center nih thawngpang an chuah.

SAC ralkap pathum hi aluancia September thla ah CDF-Zophei sin ah meithal MA 2 pakhat le G3 pakhat, kuanbawm 3, kuanfang 700 le kutcheh bomb (Grenade) 3 an rak phan.

“CDF-Zophei nih lawmhpinak laksawng le meithal man tangka MMK Sing-150 (Minung pakhat sing-20 cio le MA-2 caah Sing-80) an pek hna i, humhimnak hmun ah an chiah hna,” tiah an langhter.

Rungtlang 266 in CDF-Zophei sin ah a zaammi hna cu: Zin Ko Htet, Aung Phyo Min le Tat Naing Htun an si.

Hakha SAC palik sakhaan ah rian a ṭuanmi palik Aung Thang zong CDM luh a duh caah Hakha khuachung ah CDF-Zophei nih an vung lak.

Aung Thang cu meithal G3 pakhat, kuan bawm 2, kuanfang 130, MA kuan tlawmpal, MM Kuan tlawmpal, kuankham angki le Palek hmanmi a dangdang thilri he November 15 ah CDF-Zophei sin ah a phan. Aung Thang cu MMK Sing-80 laksawng an chuah ve.

A cunglei CDM a tuahmi vialte hi himnak hmun ah phakpi dih an si cang, tiah an langhter.

Hnubik Thawngpang

January 10 – Camp Victoria ah nunnak a pemi CNA ralkap hna

January 10 ah Camp Victoria cu SAC ralhrang nih vanlawng in an run kah taktak i CNA ralkap nu 2 le pa 3 nih miphun luatnak rian an tuan cuahmah lio ah a kan liamtak. January 11 ah SAC ralhrang nih Camp Victoria cu a voi 2nk a kah than.

FEATURE STORY

English Version