Nihin August 26 ah Tamu khua ah CDM a tuahmi sianginn cachimtu sayama pakhat an innchung ah hri in aa awk i a nunnak aa la, tiah thawngpang kan theih.
A nunnak aa lami CDM sayama nute hi Daw San Mu Mu tiah theihmi a si i, Tamu khua Market sang no. 10 ah a ummi a si.
Mibawmtu minung pakhat nih, “Nihin ah khan a vapa he i tthen ding in biaceih zung ah minsen thutnak an tuah. Biaceih zung in an ttin hnu ah an innchung ah hri in aa awh hi a si,” tiah a chim.
Hri aa awkmi sayama San Mu Mu ruak cu Nih-Ban-Lan timi mibawmtu phu in an lak i a ruak an fimpiak.
Myanmar ramchung dohthlennak caan a hun rauh bang in CDM a tuahmi saya/sayama hna le a dang zung rianttuan tampi zong harsa ngaiin an um chinchin hna.
Kan hnu July thlathawh zong ah khan Mandalay khua ah CDM a tuahmi sihni nute an inn ah hri in aa awk i a nunnak a rak i la cang.
