Nizaan July 14 le nihin July 15 ah Mizoram ramchung ah Chinmi pathum cu fir ruang ah le ritsii phorh ruang ah an tlaih hna.
Nu hi Duh Lawng Thluai (kum 36), Falam peng in a rami a si tiah Mizoram palik nih an an langhter i, Champhai Gate ah ritsii (heroin/ဘိန်း) he an tlaihmi an si.
Pa upa deuh hi Lal Ngaih Chin (kum 32) tiah auhmi Tedim peng khuasa a si i, Khawzawl ah ritsii (Saychoh/ဆေးခြောက်) he an tlaih.
A ngakchia bikmi pa hi Gabrial Muana (kum 25) a si i, Sihhmui ralzaam Camp ah a ummi a si. Sihhmui khuami inn a bauh ruang ah an tlaihmi a si.
A cunglei Chinmi pathum tlaihkhihnak kong cu Mizoram palik nih Twitter ah official in an tar.
