Timit ah CNA/CDF nih SAC Ralhrang Meithal 7 an Lak

November 21, Hakha le Thantlang karlak kahdohnak ah miphun ralkap (CNA/CDF) nih SAC ralhrang meithal 7 an lakpiak khawh hna, tiah thawng kan thieh.

Nihin zinglei thawk khan Hakha-Thantlang karlak Lungkhar tlang pawng hrawnghrang ah kahdohnak a chuak i, SAC ralhrang nih zinglei sml. 10 hrawng in zaanlei sml. 3 tiang MI-24 helicopter in miphun ralkap pawl an kah hna.

Weapons seized from Myanmar junta’s soldiers

Helicopter in voi tampi an kah hna pin ah Hakha Rungtlang ralkap sakhaan in miakpi zong in dongcat loin an den chap hna.

Asinain, nihin kahdohnak ah hin miphun ralkap lei in hliam a pumi an um lo, tiah CDF he naihniam hna nih an chim.

Junta soldiers’ weapons and ammunitions obtained by Chin resistance forces in a battle between Hakha and Thantlang on November 21.

Nihin meithal an lakmi hi MA meithal zun 6, Machin Gun pakhat, RPG rocket bomb 2 le meithal kuan thong khat leng an si, tiah thawngpang kan theih.

Hnubik Thawngpang

January 10 – Camp Victoria ah nunnak a pemi CNA ralkap hna

January 10 ah Camp Victoria cu SAC ralhrang nih vanlawng in an run kah taktak i CNA ralkap nu 2 le pa 3 nih miphun luatnak rian an tuan cuahmah lio ah a kan liamtak. January 11 ah SAC ralhrang nih Camp Victoria cu a voi 2nk a kah than.

FEATURE STORY

English Version