CNA “Thang Hlei Tial” Ruak an Hmuh, Camp ah an Vui Cang

Hakha le Thantlang karlak kahdohnak hmun khat ah ram le miphun caah a nunnak a pemi Salai Thang Hlei Tial ruak cu nihin ah an hmuh i CNA Camp ah an vui cang, thawng kan theih.

Salai Thang Hlei Tial hi kanhnu thla October 13 kahdohnak ah a nunnak a rak liam i a ruak an char kho lo. Cu lio ah cun a dang CNA ralkap pahnih a simi Salai Bawi Cung Nung le Salai Thang Do Kap zong an nunnak a rak liam ve.

Salai Bawi Cung Nung le Salai Thang Do Kap ruak tuan ah an rak char khawh hna i tlamtling tein vuinak zong an tuah cang. SAC ralhrang nih an rak bawh hna i rello in an rak kah hna caah CNA ralkap pathum an nunnak a rak liam hi a si.

Thla khat leng a rauh hnu ah a rauk an char khawhmi Salai Thang Hlei Tial ruak cu nihin ah tlamtling tein an vui cang, tiah thawngpang kan theih.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org