EU nih Russia cu Ralhrang Dirkamhtu tiah Minchiatnak Pek

November 23 ah European Parliament meeting an tthu i “Russia cu ralhrang a dirkamhtu ram a si,” tiah minchiatnak an pek.

Russia nih Ukraine ram a luh hnawhnak ah Ukraine mipi tampi an thih bang in Ukraine ramchung i abiapimi innlo tampi le sehzung pawl zong an rawk hna.

Cucaah, Russia cu ralhrang hna ningcang in ral a domi ram (asiloah) ralhrang a dirkamhtu ram a si tiah minchiatnak pek ding in EU Parliament ah biatung an dirh.

Biatung a dirhtu ram hna cu Lithonia, Latvia, Poland le Estonia ram hna hi an si. EU parliament nih atu bantuk in biachahnak a tuah hnu tlawmpal ah Russia ramleng vuanci zung biachimtu Maria nih, “EU Parliament hi ningcanglo ruru hranghrang thiltuah a dirkamhtu a si tiin biatung kan dirh ve,” tiah thawng a thanh ve.

Atulio vawleicung ram ah North Korea, Iran, Cuba le Syria hi ralhrang a dirkamhtu ram an si, tiah US nih minchatnak cazin ah a khumhmi hna an si.

“Ralhrang Dirkamhtu Ram” tiin minchiatnak cazin ah khumh a tongmi ram pawl hi US, EU le an hawile ram pawl nih ralhriam cawknak lam phihpiak le tangka luhnak lam phihpiaknak lei in dantatnak an pek chih tawn hna.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!