Nihin July 11, Falam le Hakha karlak Ramthlo khua pawng kahdohnak ah CDF-Matupi ralkap Salai Alawng a nunnak a liam, tiah thawng kan theih.
Kan miphun ralkap lei in a dang minung pakhat zong SAC ralhrang bomb nih a kee ah a hliamh. A hliamhma a fak tuk lo tiah an chim.
SAC ralhrang pawl cu hmainor kho lo, hnukir kho loin an um i atu zaan hi Ramthlo biakinn ah an riak.
July 8 in aa thawkmi Hakha-Falam karlak kahdohnak ah SAC ralhrang lei in a tlawm bik minung 30 an thi cang.
Atutan kahdohnak ah hin Chinland Joint Defense Committee (CJDC) chungtel a simi CNA, CNDF, CDF-Hakha, CDF-Thantlang le CDF-Matupi ralkap pawl an i bawm hna, tiah thawng kan theih.
