Gangaw checkpoint ah SAC ralhrang nih Sui Bi Lian an kahthah

Nizaan December 15, zaanlei sml. 3:00 hrawng ah Gangaw No. 1 Checkpoint ah Salai Sui Bi Lian cu SAC ralhrang nih meithal in an kah caah a nunnak a liam, tiah thawngpang kan theih.

Salai Sui Bi Lian hi Matupi peng, Tinsi khuate ah a ummi a si. Gangaw khuapi ah a ummi a Ni rak tlawn ding in a raknak ah atu bantuk hin kahthah a ton hi a si.

“PKP timi datsii dawr ah motorcycle datsii rawn ding in a kal i, ralhrang checkpoint ah dir loin a lanh sual caah an kah. Cuka No. 2 checkpoint pawngte ah cun a nunnak a liam,” tiah Gangaw peng chung thawngzamhnak pakhat a simi Yaw Alindan nih a langhter.

SAC ralhrang a dirkamhtu thawngzamhnak pawl nih PDF a si tiah thawng diklo an zamh nain Gangaw ah a ummi theihhngalh Laimi hna le CDF-Zotung nih cun hraimtali a si lo, misawhsawh a si tiah an ti. Yaw Alindan zong nih misawhsawh a si, tiah a langhter.

CDF-Zotung zong nih atu bantuk in sualnak ngei lo Salai Sui Bi Lian kahthah a tongmi kong ah ka ngaih a chia tiah ngaihchiatnak cathanh an chuah ve.

Hnubik Thawngpang

January 10 – Camp Victoria ah nunnak a pemi CNA ralkap hna

January 10 ah Camp Victoria cu SAC ralhrang nih vanlawng in an run kah taktak i CNA ralkap nu 2 le pa 3 nih miphun luatnak rian an tuan cuahmah lio ah a kan liamtak. January 11 ah SAC ralhrang nih Camp Victoria cu a voi 2nk a kah than.

FEATURE STORY

English Version