Vawleicung Ralpi-2 hnu in Germany nih a voi khatnak bik runvennak lei thazaang chapnak tuah hram a hun thawk thluahmah ve cang.
Ukraine lawng si loin Europe vawleitthen chung ram dangdang hna zong Russia nih a luh hnawh te khawh timi ruahdamhnak a um caah runvennak lei tthawnter ding in abiapit tuk lio caan a si.
Vawleicung Ralpi-2 hnu in “Zeibantuk ralram hmanh ah Germany nih ralhriam kan kua lai lo,” timi upadi an ngei nain Russia nih Ukraine a luh hnawh hnu ah cu upadi cu lonh in Germany nih Ukraine ah ralhriam bawmhnak a kuat.
Cu lawng si loin Germany rampi runvennak Budget zong $112 billion tiang chap ding in timhtuahnak an ngei. Cucu Russia runvennak budget ($61.7 billion) nakin a tam deuh cang.
Atu ah US ralhriam lei company Lockheed Martin nih a sermi F-35 Fighter Jet (Lightning II) 35 le anmah Germany ramchung ralhriam lei company Eurofighter GmbH nih a sermi Eurofighter Typhoon 15 cawk ding in timhtuahnak a hun ngei.
Vawleicung Ralpi-2 hnu in Germany nih runvennak lei thazaang chapnak ngaingai a rak tuah ballo.
Russia tlerhkhawnnak a hun chuah hnu ah Germany nih khuaruahar in runvennak lei thazaang chapnak a hun tuah hi a si.
