Nihin March 29, zinglei sml. 9:30 hrawng ah Hakha khua, Cawbuk chak ah SAC helicopter pakhat a tla, tiah thawng kan theih.
“Zei ruang ah a tlak timi cu kan theih ve lo. A khu a chuak i aa mer aa mer i a tla,” tiah a hmutu minung pakhat nih The Chin Journal ah a chim.
Cawbuk khuami upa pakhat nih, “Gangaw lam orhlei kam ramlak ah khan a tlaknak cu a si. A tlak lio ngaingai cu kei ka hmu lo nain helicopter a tlaknak meikhu pawl tu cu Cawbuk zong in atu hi kan hmuh khawh ko,” tiah a chim.
Helicopter a tlaknak hmun lei ah thil sining vung zoh ding in SAC ralhrang pawl an kal, tiah thawng kan theih.
