Hakha Bomb Puahnak ah CDF-Hakha Ralkap Pahnih an Nunnak a Liam

Hakha khuapi ah bomb i puah sualnak in CDF-Hakha ralkap pahnih an nunnak a liam, tiah thawng kan theih.

Nizaan July 7, zaan sml. 9:30 hrawng ah Dawrthar sang, BEHS No. 1 sianginn pawng ah bomb puah a chuah hi a si.

Bomb i puah sualnak ruang ah a nunnak a liammi CDF-Hakha ralkap pahnih ruak cu SAC ralhrang nih an lak hna, tiah khuami an chim.

SAC nih Myanmar ram uknak an lak hnu in Chin mino tam nawn bomb i puah sualnak in an nunnak a liam cang.

Nizan nai July 5 zong ah khan Thantlang peng ralram hmun khat ah bomb puah sualnak in CDF-Thantlang ralkap Salai Bawi Za Ceu a nunnak a liam i, a dang pakhat hliam fak a pu.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org