Hakha Helicopter Tlaknak ah SAC Misa 5 an i Khawng

Nihin March 29 zinglei Hakha khua pawng SAC ralhrang helicopter tlaknak ah SAC ralhrang 2 le zung rianttuan 3 an i khawng, tiah SAC ralhrang chimnak nawlngei Zaw Min Tun nih NP News ah a fehter.

Helicopter in Kalay in Hakha a rak kaimi a si i, tang-10 caminpui Answer Paper pawl a phormi a si, tiah Zaw Min Tun nih cun a chim.

Hakha ah Answer Paper pawl a chiah dih hnu, Kalay lei ah kir ding in aa thawh lio ah a tlak hi a si, tiah a chim.

“Tlangcung a si tik ah van a kai lei ah thlitu a chia i, ruah lo piin a hun tlak hi a si,” tiah Zaw Min Tun nih cun a chim.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org