Hakha Khua i Chin Ramkulh Sayinsit Zung a Kaang

Hakha khua, Dawrhlun sang, Palik Sakhaan thlangte ah a ummi Chin Ramkulh Sayinsit Zung (ပြည်နယ်စာရင်းစစ်ချုပ်ရုံး) a kaang, tiah thawngpang kan theih.

Nizaan tihni October 22, zaan sml. 10:30 hrawng ah Sayinsit zung mei a kangh hi a si. Dot hnih a si i, a cung khaan cu a kaang dih cikcek.

Hakha khuami pakhat nih, “Zaan sml. 10:30 hrawng ah khan a kaang. Zei ruang ah a kangh ti zong kan theih lo. Ahohmanh leng ah chuak in kan zoh ngam cio hna lo. Meithal puah thawng cu voi 5 hrawng kan theih,” tiah The Chin Journal ah a chim.

Zinglei sml. 2:00 hrawng ah meithattu pawl nih mei an thah khawh nain zung chung ah a ummi catlap le an thilri vialte an kaang dih.

SAC ralhrang a ttanhmi Telegram thawngpang pawl ah cun mei-palangthawl in an cheh caah a kaang tiah CDF sual an phawt.

Asinain, ahote nih an khangh timi le zei ruagn ah a kangh timi hi fiang ngaingai in theih a si lo.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org