Local

Hakha Palik Ruak Vui lio ah Kah an Tong, Palik 2 Hliam an Pu

THE CHIN JOURNAL

September 27, 2022

Nihin September 27 zaanlei ah Hakha, Cawbuk thlaanmual ah palik pa ruak vui ding in an kalpi lio ah miphun ralkap nih an rak kah hna i, palik pahnih hliamhma fak ngai an pu tiah thawngpang kan theih.

Nihin zinglei ah khan Hakhathar kahdohnak a chuak i SAC palik pahnih hliamhma an pu. Hliamhma a pumi pahnih lak ah U Aung Aung Lwin timi pa a thi.

U Aung Aung Lwin ruak cu nihin zaanlei sml. 5:00 hrawng ah Cawbuk thlaan ah vui ding in an kalpi.

U Aung Aung Lwin ruak vui ding in a kalpi lio ah miphun ralkap nih an rak kah tthan hna hi a si. SAC palik pahnih hliamhma fak ngaiin an pu.

Hliamhma a pumi pahnih hi Hakha District palik bawi le Hakha peng/myone palik bawi an si tiah a theitu nih an chim.

Cawbuk thlaan ah a ruak an vuimi U Aung Aung Lwin hi Roman Catholic Khrihfabu chungtel a si i, Khrihfa phungphai ning in ruaksuannak le ruakvuinak zong an tuah.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!

Donate