Hniarlawngthar pawng ah SAC Ralhrang 4 Bomb Lamhnak in an Thi

Nizaan July 13 zinglei ah Hakha in Falam lam lei ah a kalmi SAC ralhrang pawl le CNA/CDF karlar ah kahdohnak a chuak i SAC ralhrang 4 an thi tiah thawng kan theih.

“Nizaan zinglei sml. 10:00 hrawng ah khan Hakha in ralkap 30 hrawng Chuncung lei ah an kal. Hniarlawnthar pawng ah kan ralkap pawl nih an kah hna i SAC ralhrang pawl bomb an i lamh caah minung 4 an thi,” tiah thil sining a theitu nih The Chin Journal ah a chim.

A dang minung pakhat nih, “Mah ralkap pawl kha zaan lei ah SKAT motor in Hakha lei ah an rak kir tthan hna. SKAT kuang chung ah an tthu ko hna. Minung 4 an thi timi hi ahmaan ko,” tiah a chim ve.

Nizaan July 13 ah Hniarlawnthar pawng ah an i kah lawng si loin Falam peng le Hakha peng ramri zong ah kahdohnak fak ngaiin a chuak.

SAC ralhrang nih Rungtlang in miakpi in kah an bawmh hna. Falam-Hakha ramri kahdohnak ah mithi le hliampu an um le um lo fiang in kan thei rih lo.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org