India Rammi Pahnih Pyusawhti nih Tamu ah an Thah Hna

Tamu ah a rak tlawngmi India rammi pahnih cu nihin July 5 ah SAC ralhrang kuttang ah a ummi Pyosawhti nih an thah hna, tiah Moreh tualchung thawngzamhnak Eastern Mirror nih a ttial.

Thah a tongmi minung pahnih i Moreh khua, Gamnom sang ah a ummi P. Mohan (kum 28) le M. Iyarnar (kum 35) an si.

“Tamu khua, Sawbawr sang ah a ummi sianginn pawng ah Pyusawhti nih an kah hna. Hi thil a can hi nihin sml. 1:00 hrawng ah a si,” tiah a mit in a hmutu minung pakhat nih Eastern Mirror sin ah a chim.

Thah a tongmi minung pahnih Tamil miphun an si i, Tamu khua ah an hawile tlawng ding in a rami an si, tiah a hawile nih an chim.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org