Nihin June 30 ah Kalay khuapi chung ah SAC palik bawi pakhat meithal in an kah i a ruak in an char, tiah thawng kan theih.
Tahan palik sakhaan ah rian a ttuanmi (Sakhaanhmu) a si i, nihin chun sml. 1:30 hrawng ah khan motorcycle datsi a rawn lio ah meithal in thi lak in kah a ton hi a si.
Palik pa hi palik thuam i hruk loin misawhsawh bantuk in aa thuam i, mask zong aa hruk ko nain aho ti theih lomi hna nih meithal in an kah hi a si.
Meithal in an kah hnu ah Tahan khuachung hmun dang in meithal puah thawng voi 3 thanwg a thang chap.
Thah a tongmi SAC palik bawi ruak cu nihin chunhnu sml. 2:00 tiang ah ahohmah nih an rak char rih lo, tiah khuami hna nih an chim.
