Kalaywah Peng SAC Palik Sakhaan PDF nih an Lak

Nihin September 18 zinglei ah Kalaywah peng, Ma-Sein-Sanpyah khuate i SAC ralhrang palik sakhaan cu PDF nih an lak i ciam lak in mei in an khangh, tiah theih a si.

Nihin zinlgei sml. 5:00 hrawng ah khan PDF ralkap bu pakhat nih SAC palik sakhaan cu an vung doh i, ralhrang palik 4 le sakhaanhmu fapa an thah khawh hna.

“Mah SAC palik sakhaan hi tlanghram ah a ummi a si. Tlangcung lei in hriamngan in PDF nih an kah hna i, an kal hnawh hna. Palik 4 an thi. Sakhaanhmu fapa zong a thi,” khuami pakhat nih Khit Thit Media ah a chim.

Mah SAC palik sakhaan ah hin palik 40 hrawng an um. Ma-Sein-Sanpyah khuachung ah namsawhnak a chuak i palik cheukhat cu ka cun an vung kal hna.

Sakhaan ah SAC palik thazaang tlawm deuh lawng an taan lio ah PDF nih an rak doh hna hi a si.

Khuami pakhat nih, “PDF nih meithal zong an lakpiak hna. Sakhaan zong mei in an khangh. Zinglei 9:00 hrawng ah khan SAC ralhrang tampi khuachung ah an rak phan i, khuami zong khuachung ah an um ngam hna lo. An zaam hna,” tiah a chim.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!