CDF-Kanpetlet ralkap pawl caah Kanpetlet peng chung mi hna nih Sia 60 le tangka an hlut hna, tiah thawngpang kan theih.
SAC ralhrang dohnak caah Kanpetlet peng chung ah CDF-Kanpetlet nih tlawnkainak le mipi thazaang peknak an ngeih hna i mipi lei nih ati bantuk in Sia le tangka an hlut hna hi a si.
Atu tiang Sia an hlutmi hi 60 leng a si cang. Hi bantuk hin dohthlennak caah Chin miphun nih sunglawi tuk in kam zuatmi Sia mah zahzah a pe siangtu Kanpetlet peng chung mipi cung ah CDF-Kanpetlet nih linglawmhnak an chim.
Dohthlennak caah ramchung le ramleng ah a ummi Chinmi vialte nih pehzul in CDF-Kanpetlet bawmh ding zong in nawlnak an tuah chih.
