Nihin December 15 zaan sml. 7 le sml. 8 karlak ah Myanmar ram hmuh kip Van ah dahmei bantuk in ceu a zuangmi an hmuh hna.
Ahmasa ah cun mi tampi khuaruahar in an um hna i SAC ralhrang vanlawng asiloah Drone a si lai tiah a ruattu zong an um.
Asinain, hihi SAC ralhrang riantuannak he pehtlaihnak a ngei lomi a si. Mirangholh in “Geminid Meteor Shower” tiah an auhmi a si i, NASA nih December 16 zaanlei hrawng ah atu bantuk deu hi a chuak lai tiah an rak ruahdamh cangmi a si.
Hi bantuk thil cang hi vawleicung hmun kip ah December 4 in 16 karlak ah hmuh khawh a si. Atutan hi December 16 zaalei ah a chuak lai tiah an ruahdamhmi a si.
1862 ah mah bantuk “Geminid Meteor Shower” hi vawleicung ah an rak hmuh hmasa. Cu hnu cun kumtinte vawleicung hmun dangdang ah hmuh an si. Atutan hi Myanmar ramchung hmun kip ah hmuh a hun si ve.
Myanmar ramchung lawng si loin India ram, Mizoram hmun kip zong an hmuh ve hna.
