Kaya/Karenni ramkulh, Demoso peng, Kyauk-Say-Kan kahdohnak ah SAC ralhrang 30 leng an thi i a nung zong in an tlaih hna, tiah theih a si.
March 5 ah PDF, Karenni Army (KA), KNDF le SAC ralhrang karlak ah kahdohnak fak ngaiin a chuak i SAC ralhrang tam ngaingai an thih hi a si.
30 leng an thih pin ah a nung in ralhrang pahnih zong an tlaih hna i meithal an lakmi zong a um len.
A nung in an tlaihmi hna cu tirawl an pek hna, biahalnak an tuah hna hnu ah KA sin ah an ap hna, tiah thawng an chuah.
Atulio Kaya ramkulh chung ah pehzul in kahdohnak a um i, SAC ralhrang nih atu le atu vanlawng in bomb an thlak caah innlo le biakinn rawhralnak tampi a chuak.
