Kayin ah SAC Ralhrang 16 le Meithal Tampi Tlaih

Kayin ramkulh, Kya-in Seikgyi peng ah Kayin hraimtlai KNLA le SAC ralhrang karlak kahdohnak ni 4 chung a chuak i SAC ralhrang 16 nih hriam an chiah hnu ah meithal tam ngai an lak chap.

October 13 in 16 tiang kahdohnak a chuak i, SAC ralhrang lei in minung minung 6 an thi. SAC ralhrang bawi Major rank pakhat le Captain rank pakhat telh in minung 16 nih an hriam an chiah i, KNLA nih an tlaih hna.

“Ralhriam a chiahmi pawl cu phungning tein kan zohkhenh ko hna. Meithal zun 17 telh in kuan tampi kan lak,” tiah KNLA/KNU ttuanvo ngeitu nih a chim.

Ralhraim a chiami SAC ralhrang pawl hi Kha-Ma-Ya (358) ah a ummi SAC ralhrang pawl an si i, Kayin ramkulh lei ah raldoh ding in a kalmi an si.

KNLA Battalion No. 6 nih ni 4 chung an kah hna hnu ah atu bantuk in SAC ralhrang pawl nih an ralhriam an chiah hi a si.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org