Khrihfa le Adikmi Ralthawhnak (Just War)

By Salai Zing Bawi | Adikmi Ralthawhnak timi ruahnak (Just War Theory) hi Khrihfa kan pupa hna (Augustine, Thomas Aquainas, tbk) nih an rak chuahpimi a si.

Ralthawhnak kong he petlai in atulio Vawleipi nih a hmanmi upadi (International Law) hi Aquainas nih a rak chuahpimi “Adikmi Ralthawhnak” timi ruahnak cung ah aa hngetmi a si, tiah an ti.

Adikmi Ralthawhnak timi ruahnak nih thil phun 2 hi biapi in a buaipi: (1) Justice of War le (2) Justice in War, timi hna hi an si.

“Justice of War” hi “Right to go to War” ti zong in Mirangca in an ttial tawn. Laiholh in a fiannak bik in chim ah cun “Thil dik, thil hmaan ttanh/dirpi/duh ruang ah ralthawh” tiah kan ti khawh.

Ral nih a kan rak tuk i sualnak ngei lo kan mipi thahnawn le tthawldawi tibantuk nganfahnak a phunphun an ton tik ah mipi caah thil tha, thil dik a chuah nakhnga Khrihfa nih hriamnam thlir in ral kan thawh awk a si ko, timi ruahnak a si.

Asinain, Khrihfa nih ral kan thawh tik ah kan ral hna bantuk in ralram ah kan um lo nakhnga “Justice in War” (asiloah) “Right Conduct in War” timi “Ralram nuncan ziaza” kong hi Khrihfa kan pupa hna nih an rak aupi chihmi a si.

Ralram ah misawhsawh le nu le ngakchia ningcang loin tuah lo ding. Ral kan tlaihmi hna kha minung hawi bantuk in zohkhenh ding tibantuk pawl hi biapi ngai in “Ralram Nuncan Ziaza” nih a aupi.

Hi Just War Theory hi Vawleicung Ralpi 1nk lio zong ah an rak hmanmi a si. Germany le Britain nih Khrihfa biaknak lei thiamsang (Theologian le Scholar) pawl an rak pumh hna i Khrihfa mit in ral kan thawh awk a si le si lo an rak ceih hna. Cu lio ah an rak i cherhchanmi cu Thomas Aquainas nih a chuahpimi “Adikmi Ralthawhnak” timi ruahnak hi a si.

Aquainas nih Adikmi Ralthawhnak kong ah tlaihtleng a chiahmi hna cu: Thil tha, thil dik chuahpi duh ruang ah a si lai; Ralthawh dahtilo thim awk dang a um lo caan lawng ah a si lai; Cu ralthawhnak kong cu zapi cohlanmi cozah/uktu lawng nih a thanh lai, timi hna hi an si.

Hi Adikmi Ralthawhnak timi ruahnak nih hin ral kan thawhmi hi “Thiancheh” (Justify) tuah aa zuam bia a si lo; Ral kan thawh awk a si le si lo “Cuaithlai” tu hi aa tinhmi a si.

Khrihfa nih ral kan thawh tik ah dinfelnak (Justice) he pehtlai in ralthawh awktlak aruang fek tein a um a herh bang in ralram ah nuncan ziaza tha kan ngeih a herh tinak khi a si.

Sualnak ngei lo mipi khamh awkah le rammi hna nganfahnak le ttah-aihramnak a petu uktu thalo tthumhthlak awkah cun Khrihfami hna zong nih hriamnam/meithal i tlaih in ral kan thawh awk a si ko, timi tlaihtleng hi Just War Theory nih a dirpimi a si.

Hnubik Thawngpang

January 10 – Camp Victoria ah nunnak a pemi CNA ralkap hna

January 10 ah Camp Victoria cu SAC ralhrang nih vanlawng in an run kah taktak i CNA ralkap nu 2 le pa 3 nih miphun luatnak rian an tuan cuahmah lio ah a kan liamtak. January 11 ah SAC ralhrang nih Camp Victoria cu a voi 2nk a kah than.

FEATURE STORY

English Version