Lawngtlai ah Paletwa Ralzaam 600 Dengmang an Phan Than

Paletwa peng Meik-Wah khua pawng ah AA le SAC ralhrang karlak kahdohnak a chuak i, SAC ralhrang nih September 1 ah vanlawng bomb an thlak caah khuami 560 leng cu Mizoram Lawngtlai khua ah an zaam hna.

Lawngtlai district chung khua 4 ah ralzaam pawl an phan hna i Central Young Lai Association (CYLA) nih bawmhnak an pek cuahmah hna.

Paletwa lei in Mizoram ah a rak lutmi ralzam a thar an um pah rih caah atu hnu ni khat ni hnih chung ah ralzaam milu an karh kho, tiah an ruahdamh.

Nizaan ah a phan tharmi ralzam pawl hi Lawngtlai district chung Hmawngbuchhuah, Laitlang, Zochachhuah le Dumzautlang timi khuate pawl ah an i dor hna.

SAC ralhrang nih Myanmar ram uknak an chuh hnu in Chin ramkulh in Mizoram lei ah a zaammi milu 40,000 hrawng an si cang lai, tiah an ruahdamh.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org