Thantlang peng Mara hmunram ah hmun a khuarmi Maraland Defense Force (MDF) ralkap pahnih cu nizaan July 11 ah Saiha District, Zawngling ah India ralkap nih an tlaih hna.
Tlaih a tongmi hna hi Zao Bei (20) le Ngo Di (25) an si i, Lai meithal kuan 20, India tangka 650 le Myanmar tangka 11,100 telh in 125 Kenbo motorcycle zong an tlaih chih.
An pahnih in India ralkap nih Tuipang palik sakhaan ah an ap hna.
MDF an ralbawi cu Pu Chhipa (Thomas Choza) tiah teihmi a si i, aluancia March 25 ah khan Ngaphaite khua ah Pu Chhipa nih CDF-Mara ralkap Salai Ma Hnei meithal in a kah i a nunnak a liam.
Pu Chhipa nih Salai Ma Hnei meithal in a kahnak kong hika hmanthlak hi hmet law rel te.
