Matupi ah SAC Ralbawi nih kum 17 kan Lainu a Tlaihrem

Matupi ah a ummi SAC ralhrang bawi nih kum 17 a simi kan Lainu cu June 25 ah a tlaihrem, tiah thawng kan theih.

Tlaihremtu SAC ralbawi hi Bohmu Win Naing (kum 50) a si i, June 25 chun ah a tlaihrem hi a si.

“Tlaihrem a tongmi nute i hringtu a nu hi SAC ralkap a zaammi kong ah April thla ah khan an rak tlaih. June 25 ah kum 17 nute cu ralbawi Win Naing nih biahal awk kan ngei tiah an innchung ah a luhpi i atu bantuk in a tuah hi a si,” tiah khuami pakhat nih a chim.

Bohmu Win Naing hi Matupi ralkap sakhaan ah a umnak kum 15 hrawng a si cang i, Matupi khua le khuami konglam zong a thei ngai cangmi a si.

Khuachung ah tlaih a tongmi hna zong ah abikin amah tlangtlaknak in tawlrelmi lawngte a si, tiah khuami pakhat nih a chim.

“Agai ah cun Win Naing hi pension a la cangmi a si. Asinain, Matupi SAC ralkap cawlcanghnak ah aa tel pengmi a si. Tlaihkhih kong zong ah amah nih a tawlrel,” tiah a chim.

Bohmu Win Naing le a chungkhar hi Matupi khua i ralkap pawl umnak Tatkung timi ah an um, tiah theih a si.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!