Messi te Teitu Saudi Team pawl Motor pakhat cio cawkpiak lai

Atutan World Cup ah Messia te Team Argentina a teitu Saudi Arabia Team bawlungchuihtu pawl cu Saudi Prince Mohammed bin Salman Al Saud nih Rolls Royce motor pakhat cio cawkpiak ding in bia a kamh hna, tiah theih a si.

Qatar ram ah an tuah cuahmahmi World Cup ah November 22 ah khan Saudi Arabia le Argentina an chuih i, Saudi Arabia nih 2-1 in Argentina cu ruah lo tuk piin an tei hna.

Vawleicung bawlung tuanbia ah Asia vawleitthen chung ram pakhat nih minthang Argentina a voi khatnak bik an tei a si bang in Argentina bawlung tuanbia ah belnaang nehtu pakhat zong a si.

Vawleicung zinan ram rum bik pakhat timi Saudi Arabia i atulio uktu Saudi Prince Bin Salman nih Argentina a teitu Saudi ram aiawh in a chuihmi bawlungchuihtu vialte cu lawmhman ah Rolls Royce Phantom motor pakhat cio laksawng chuah ding in bia a kamh hna, tiah The Punch thawngzamhnak nih a langhter.

Atulio World Cup Gruop C ah Saudi Arabia, Argentina, Poland le Mexico hi hmun khat ah an um tti hna. Saudi teinak a hmu i, mark 3 in cung bik ah a um. Poland le Mexico an i tluk caah mark 1 veve an si. Argentina a sungh caah tang bik ah aa thlai rih.

Nihin November 26 zaan (Kawlram caan) suimilam 7:30pm ah Saudi Arabia le Poland an chuih lai. November 27 zinglei sml. 1:30 ah Argentina le Mexico an chuih ve lai.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!