Mi a bubu in thahnawnnak a zualnak bik ram cazin ah Myanmar aa tel

US Holocaust Museum nih 2022-2023 karlak vawleicung ah mi a bubu in thahnawnnak a zual biknak ram hna cazin cu November 29, 2022 ah a chuah.

Hihi Early Warning Project nih “Mi a bubu in thahnawnnak sining zohfelnak” timi tlangtar in ralrin peknak ah kumtin an chuahmi cazin a si i, US Hlocaust Museum nih a hun tar chinmi a si.

Cu cazin chung ah cun Pakistan hi number one, Yemen hi number two le Myanmar hi Number three ah an chiah hna. Hi ram pathum hi 2022-2023 chung ah zualhma ngaiin mi a bubu in thahnawnnak an chuak kho, tiah Early Warning Project nih a langhter.

Early Warning Project nih 2021-2022 cazin an rak chuahmi ah cun Myanmar ram hi number 17nk zawn ah a rak um nain atu 2022-2023 ah an chuahmi cazin tu ah cun Myanmar ram cu number 3 ah an hun chiah hi a si.

Myanmar ralkap nih uknak an chuh hnu ah rammi sawhsawh hna zong kha hriamtlai an si tiin a bubu in an thah hna, tiah an langhter.

Mizapi thimmi ram hruaitu pawl cu Myanmar ralkap nih an thlak hna i, timh ciammam tein rammi hna cung ah puarhrannak an tuah. A tlawm bik rammi 1,600 an nunnak a liam, tiah an langhter chap.

2023 chung ah Myanmar ramchung ah rammi hna a bubu in thahnawnnak hi zualhma ngaiin pehzul in a chuak kho, tiah Early Warning Project nih ralrin peknak a tuah.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!