SAC nih Amah Misa Vuanci Pakhat Thonginn ah a Khumh Than

SAC ralhrang bawizik Min Aung Hlaing nih amah minung a simi Yangon ramtthen vuanci pa cu nihin March 23 ah thonginn chung ah a khumh tthan.

Atutan an tlaihmi pa hi Yangon ramtthen SAC sipuazi le chawlehthal lei vuanci a simi U Aung Tann Oo a si.

U Aung Tann Oo hi USDP palai a si i, 2020 thimnak ah Yangon ramtthen, Thanhlyin peng ah aa zuam nain a sungmi a si.

SAC nih rampi uknak an chuh hnu ah Yangon ramtthen chawlehthal lei vuanci ah rian an pekmi a si.

March 22 ah SAC nih Insein thonginn ah an kuatmi hna Zay Kabar Shwe Khin (Orhlei) le a fapa U Zaw Thiha (Kehlei).

Nihin ah a zungkhaan ah an vung tlaih i, zei ruang ah dah an tlaih timi belte fiang in theih a si lo.

Nizaan March 22 zong ah Myanmar ramchung mirum bik pakhat a simi Crony Zay Kabar Shwe Khin le a fapa U Zay Thiha cu SAC ralhrang nih an tlaih hna i Insein thonginn ah an kuat colh cang hna.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org