Nizaan June 29 ah a cangmi Mindat peng chung kahdohnak ah SAC ralhrang 4 a thi, tiah thawng kan theih.
Chunhnu sml. 2:00 hrawng ah CDF-Mindat le SAC ralhrang karlak kahdohnak a chuak i, SAC ralhrang lei in minung pakhat a thi.
Cun, zaanlei sml. 3:00 hrawng ah kahdohnak a chuak tthan i SAC ralhrang lei in minung 3 an thi tthan, CDF-Mindat nih thawngpang an chuah.
Zinglei sml. 10:00 ah Mindat khuachung ah hmun a khuarmi SAC ralhrang bu no. 274 nih miakpi kahthlorh in an kah i Madam khuate ah a ummi kum 14 ngakchiapa a nunnak a liam.
A nunnak a liammi kum 14 ngakchiapa i a nuapate zong hi kha hlan ah khan SAC ralhrang miakpi ruang ah a kee pakhat a rak tanmi a si.
