Minthang Mexican boxer “Alvarez” nih “Messi” velh a timh

Minthang ngai a simi Mexican boxing thongh thiam Canelo Alvarez nih Twitter cahmai hmang in Messi cung ah tlerhkhawnnak biafak a ṭial.

Alvarez nih Twitter ah hitihin ca a ṭial: “Nan hmu ko lo maw hi. Messi nih kan thantar (Flag) asiloah kan bawlungchuihnak angki dakaw ṭuang hnawhnak ah a hman hi. Kan i ton lo nakhnga Pathian sin ah thla fak piin rak cam seh!” tiah a ṭial.

Qatar ah an tuahmi World Cup bawlungchuihtu pawl thilthlennak khaan chung ah Messi nih Mexican thantar asiloah Mexican bawlungchuihtu hna angki a kee in a chuihnak video tawite online ah a kai hnu ah atu bantuk in Mexican boxer Alvarez nih thinhung ngaiin thlerhkhawnnak ca a ṭial hi a si.

Messi nih Mexican bawlungchuihtu hna angki tiah ruahmi a kee in a chuih lio caan hi Argentina nih 2-0 in Mexico a tei dih hna hnu i, thilthlennak khaan chung ah an um lio a si.

Mexican boxer Alvarez nih cun biatak thlak in a tlerhkhawn nain Messi tu nih atu tiang ah zei bia tehmanh a chim rih lo. A kee in a lamhmi thilpuan zong hi Mexico angki/thantar a si le si lo fiang in theih a si lo.

Alvarez nih hin sungh lungfah deuh in Messi hi hei hro sehlaw a dawh. Aruang cu Messi te thilthlennak khaan chung ah hin Mexico thantar le angki zong a um lo tiah an chim.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!