Matupi peng, Ngalai khuate in Mizoram ah ral a zaammi Salai Van Ro Sang cu nihin June 7 ah riantuan ding in a kalnak lampi ah Dapchhuah khuate pawng tiva ah a paam, tiah thawng kan theih.
“Riantuan ding in a kalnak ah tiva a tan i tii nih fenh sehlaw a dawh. Atu tiang a ruak an hmuh kho rih lo,” tiah khuami pakhat nih a chim.
Salai Van Ro Sang hi Sahnathial in Sairang lei ah rianttuan ding in a kalnak lampi ah atu bantuk in vanchiat a ton hi a si.
Kanhnu July 2 zong ah khan Hakha khuami Salai Run Lian Cung cu Farkawn lei kalnak Tio Tiva hlei tang ah a rak paam cang.
Atulio Furpi tii a ngan lio a si caah mi tampi nih an ruak an kawl len hna nain an hmuh kho rih hna lo.
