Mizoram, Saiha District, Ainak khua ah Myanmar lei kuat timhmi bomb thilri tampi cu Assam Rifle nih an tlaih tthan, tiah nizaan February 28 ah thawngpang an chuah.
Bomb thilri pawl phorhnak ca ah an hlanmi motor pahnih le minung pahnih zong an tlaih chih hna.
“Myanmar ramchung i Chinland Defense Force (CDF) sin ah kuat an timhmi a si tiin kan zumh,” tiah Assam Rifle ttuanvo ngeitu nih Northeast Today thawngzamhnak ah a chim.
Ainak khua ah bomb thilri pawl a phortu an um timi thawngpang an theih hnu ah Assam Rifle ralkap bu nih an tlaih hna hi a si.
Bomb thilri he tlaih a tongmi minung pahnih cu palik kut ah ap an si, tiah thawngpang an chuahmi ah an langhter.
