December 12 zinglei ah Nanchaung khua ah a phanmi SAC ralhrang pawl nih pumtlinglo Biak Za Ling an thah i a ruak mei in an khangh, tiah thawng kan theih.
SAC ralhrang nih Nanchaung khua Foursquare Biakinn telh in 24 an khangh, tiah CNO nih thanwgpang an chuah. December 12 biakinn le inn 19 an khangh i, December 13 ah a dang inn 4 an khangh chap.
SAC ralhrang pawl an kir hnu ah CNDF (Upper Chindwin Region), PDF-Kalay, Kalay CHIN Rifle (KCR) CSS, Giant Revolution Force (GRF), People Defense Army (PDA), Harmonies Northernhood timi hriamtlai pawl Nanchaung khuachung ah an lut i, khuami Biak Za Lian a ruak an khanghnak an hmuh hi a si.
Nanchaung khua in SAC ralhrang pawl an chuah cang caah Yazagyo lampi cu zalong tein hman khawh a si cang, tiah CNO nih thawngpang an chuah.
