Nihin Kalay Lampi Kahdohnak ah SAC Ralhrang 10 an Thi

Nihin January 17, zinglei sml. 10:00 hrawng ah Kalay-Laitlang lampi ah kahdohnak a chuak tthan i SAC ralhrang a tlawm bik 10 an thih pin ah hliamhma a pumi an tampi tiah PDF-Zoland le CDM-Siyin ralkap bu nih thawngpang an chuah.

Tedim peng, Hiangzing khua ah aa hrengmi SAC ralhrang pawl bawmh awk ah Kalay in SAC ralhrang pawl motor 5 in an rak pok i Hiangzing khua phak hlan ah CNA telh in Chin ralkap bu fonh nih an kah hna hi a si.

SAC ralhrang lei hliampu le mithi an tam caah Hiangzing lei ah lanh loin Kalay lei tu ah an kir tthan.

“SAC ralhrang nih an miruak an char manh lomi pakhat zong mipi ralkap bu nih kan char i ttha tein kan vui,” tiah PDF-Zoland nih an langhter.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org